Tumanggap ang 776 senior citizens ng kanilang 1st Quarter Social Pension (SOCPEN) mula sa Department of Social Welfare and Development (DSWD) ngayong Abril 7.

Ang programa ay isinagawa sa pakikipagtulungan ng pamahalaang lokal ng San Marcelino sa suporta ng ating mahal na Hon. Mayor Elvis Ragadio Soria, bilang bahagi ng tulong pinansyal para sa mga nakatatanda.

Pinangunahan ni DSWD Region III representative Judy Reyel ang implementasyon ng programa, katuwang ang Municipal Social Welfare and Development Office (MSWDO) sa pamumuno ni MSWD Officer Sahra Soria, gayundin ang Office of the Senior Citizens Affairs sa pangunguna ni Fatima Ladringan at FSCASM President Edilberto Ladiero.

Pinangasiwaan naman ni Municipal Treasurer Eleanor Damasco ang pamamahagi ng pondo.

Bawat benepisyaryo ay tumanggap ng ₱3,000 na sumasaklaw sa mga buwan ng Enero hanggang Marso 2026.

Isinagawa ang distribusyon sa Barangay Burgos Covered Court, Sta. Fe Covered Court, Aglao, at Buhawen Covered Court.

Ang SocPen Program ay inisyatibo ng DSWD katuwang ang pamahalaang lokal upang suportahan ang mga nakatatanda sa kanilang pangunahing pangangailangan gaya ng pagkain, gamot, at iba pang gastusin.